metro Pop X Hitachi「可愛點心烹飪班」

終於遇上【 廚。房。最。強 】💥💥💥

好多朋友嚟到菲師奶屋企個廚房，都讚嘆設備齊全！有廚師機、麵包機、蒸爐、微波爐、焗爐......但今日我想話俾大家聽，放到一屋都係機/爐，已經OUT喇！📢📢📢

前日我參加咗 metro Pop X Hitachi 嘅點心烹飪班，就俾我遇到【 廚。房。最。強 】

全新日立高溫蒸氣烤焗水波爐 💥💥💥！聽個名已經知道「勁」！！集多功能於一爐，「蒸」、「焗」、「烘」、「烤」、「微波」......

最震撼我嘅心靈係，佢竟然有埋「麵包機」功能🍞！「麵包機」📢「麵包機」📢「麵包機」📢 呀！！！我咁鍾意整麵包，睇到當場心心眼😍😍😍，佢仲可以做埋發酵箱，嚟緊冬天做麵包都唔洗怕發酵得唔好啦😆！

活動當日，大會悉心安排了專業廚師為我們示範用日立高溫蒸氣烤焗水波爐製作了多款不同健康美食。點解會話健康？因為用上「高溫蒸氣」煮食，就可以達致低鹽、少油、同時又可以減少蔬菜中維他命C流失，食物就更美味啦！

我哋仲一齊學做咗三款點心，分別係：白兔餃、小丑魚、奇趣海馬餃 

看我的製成品！其實我自覺好有天份做點心師傅的..哈哈......

機身設計亦花咗很多心思：輕觸式屏幕，內置200多款預設烹調模式，一按即煮。機身纖薄慳地方，但卻擁有33L特大容量！煮大餐，完全冇問題！

以後由早餐至晚餐，想煮出健康、低鹽、少油嘅美食，一部日立高溫蒸氣烤焗水波爐就搞得掂👍

Hollandaise Sauce 荷蘭醬 微波爐做法

今次介紹呢個超簡易荷蘭醬做法，只要預備好材料，荷蘭醬1分鐘內就能完成！

傳統荷蘭醬食譜油份使用量相當驚人，自家做當然要調校得比較健康，而又不影響味道，大家不妨參考吓我呢個份量。

材料：

蛋黃             1隻

檸檬汁      半茶匙

無鹽牛油       20g

鹽           1/4茶匙

紅椒粉(Cayenne pepper)  少少

 

牛油切細片放入碗中，用微波爐低火叮約10秒至液體狀

 蛋黃+檸檬汁+鹽+紅椒粉 放入大湯碗中打勻

 用微波爐低火叮5-8秒取出

隨即攪拌，遂少加入牛油溶液，不斷攪勻至微微杰身

*烹調時間以 800W 微波爐計算，其他火數微波爐，時間請自行作適當調校！

荷蘭汁配以水煮蛋Poached egg，即成美味的Egg Benedict

看看菲師奶的Egg Benedict食譜

【MX 意味8重奏】

MX肉醬意粉以八重奏為主題，結合以下8種滋味：

1）意大利進口意粉 - 優質意粉，正宗意式風味！

2）100%小麥 - 口感煙韌彈牙！
3）意大利初榨橄欖油 - 味道清新，更健康！
4）美國番茄醬 - 茄味香濃！
5）濃郁肉醬 - 濃稠度適中，比例啱啱好！
6）香口腸仔片 - 層次感豐富！
7）香燒雜菜 - 口感清爽！
8）另設芝士款式 - 啱哂愛吃芝士嘅你！

限定推廣： 即日至8月7日期間惠顧MX肉醬意粉/MX芝士肉醬意粉
午市時段可以優惠價+$6加配冰桶原味檸檬伯爵茶乙杯。
晚市時段可以優惠價+$10升級選擇「MX肉醬意粉套餐」,享用冰桶原味檸檬伯爵茶乙杯及甜滑布甸乙客

[Baguette 法國長棍麵包]

做法包嘅材料其實好簡單，但係要做到充滿麥香、外脆、肉軟又不容易。

要做得軟熟，我會於麵團中加入 Poolish種。類似液種嘅做法，先把部分麵粉、水及酵母混合，然後發酵，再混入主麵糰中製作成麵包。

選用T55法包專用麵粉，外皮會更香脆。混入少量麥粉可增加麥香。

烤得香脆嘅法包，配上烤牛肉做三文治，就是完美配搭!

[材料]

Poolish種：

T55麵粉/高筋麵粉 75g

黑麥粉/裸麥粉 15g

水 90ml

酵母 1/3茶匙

主麵糰：

T55麵粉/高筋麵粉 325g

鹽 1茶匙

水 170ml

酵母 1茶匙

把Poolish種材料全部混合成糊狀，包好，室溫發酵約1小時，或放雪櫃過夜

已發酵好的Poolish種:

主麵糰材料與已發酵好的Poolish種混合，搓成表面光滑的麵糰

包保鮮紙，進行第一次發酵約1小時至2倍大

取出麵團，排氣、分割成 170g 一份，滾圓，蓋上保鮮紙鬆弛十五分鐘，造型

長法包造型短片

二次發酵後，篩上高粉，𠝹花，放入已預熱焗爐用 250度，焗12-15分鐘 (入爐前快手噴一吓水，效果會更脆口)

按此可查看用麵包機做法---> 麵包機做法

【脆炸流心粟米美國紫薯餅】食譜

介紹大家做一個炸薯仔嘅食譜！就咁炸？太普通啦......菲師奶今次用粟米蓉包入薯蓉中間，沾上麵包糠炸至外層金黃香脆。 一切開，嘩！啲粟米蓉湧出嚟㗎！食嘅時候要留心，因為佢真係流心㗎！ 

今次選用嘅係「美國紫皮馬鈴薯」！咪睇佢細細粒粒，佢好香甜架，用來做薯蓉啱晒！只要放入滾水中烚約10分鐘，若果牙籤可以輕易刺入薯仔中，就表示薯仔已經ready做薯蓉喇。記得要趁熱剝皮呀！凍左會冇咁易剝㗎！ 美國馬鈴薯營養簡介: 一個中等大小的馬鈴薯只含110千卡熱量，仲少過一碗白飯，而且蘊含一天所需的45%維他命C、10%維他命B6及 620毫克鉀，又不含脂肪，有利於心臟健康和體重管理。 



【脆炸流心粟米美國紫薯餅】食譜         可製作 6件 

材料： 
美國紫皮馬鈴薯  1包（約400g） 
忌廉粟米   250g 
番茜葉   適量 
鹽    1/8茶匙 
黑椒碎   少少 
粟粉   3湯匙 
雞蛋   1隻 
麵包糠   50g 

1）番茜葉洗淨，抹乾水份切碎後與粟米湯混合，倒入製冰格中，放冰箱雪硬。 

2）薯仔洗淨，放入滾水中烚10-15分鐘至腍身，去皮後放入大碗中，加入鹽及黑椒碎，壓成薯蓉，平均分成6份，放涼。

3）取出已雪硬的粟米蓉，包入薯蓉中，然後順序沾上：粟粉 —> 蛋液 —> 麵包糠 

4）放入熱油中炸至金黃色便可。

浸發花膠省時方法 （附多款花膠食譜）

用傳統方法浸發花膠需時，要先將花膠浸過夜（約12小時）至軟身，然後用滾水煮5分鐘，再要焗至水完全變涼，繼而再浸發，完成整個過程往往已花了一整天時間甚至更長！......而且經過滾水煮嘅過程，更有可能會有「走膠」嘅情況出現。

今次介紹大家用 「先蒸後浸」嘅方法！非常慳時間，而且浸發出來的花膠非常理想！先俾大家睇吓用「先蒸後浸」方法浸發花膠筒嘅效果......

上圖只浸了約12小時，大咗足足有兩倍多！（心心眼）

到底係點做？

留心細閱以下嘅介紹啦 !

首先，開始浸發之前，必須要留意以下幾點：

♥️浸發花膠所用嘅器皿必需要乾淨，而且完全冇油，特別是如果你會用煲來浸，而個煲之前又用來煮過餸。因為花膠接觸到油份就會溶（俗稱"瀉"）。

♥️要明白：花膠是要經過「加熱」再「浸泡」才會發大；若果只用水浸，不加熱，花膠只會軟身而不會發大的！

(((極細隻/非常薄身嘅花膠除外)))

♥️要去除腥味，可於蒸時加入薑片、蔥段。

今次浸發時間以約12頭嘅花膠筒計算，若果花膠較細，時間就要縮短；相反花膠較大，時間就要加長。

方法：

1) 於乾淨嘅碟鋪上薑片和蔥段，放上花膠筒，避免重疊以防止蒸後花膠黏在一起，可以於花膠面再鋪上薑片和蔥段，隔水蒸10分鐘（水滾開始計時）至軟身。

2）除去薑片和蔥段，將花膠浸於室溫清水（我用水喉水）約16小時，中途可換水1-2次。

完成！

用同樣方法浸發札膠公

嘆花膠小貼示：

浸發花膠的確很花心機，所以我每次都會浸定多啲，再按每次食用嘅份量個別包起，放雪櫃冰箱儲存，每次食用前只需溶雪便可烹調，咁就會更加方便喇！

一人份量，用保鮮紙包好

入密實袋，就可以放冰箱儲存喇！（可存放約3-4個月）

好喇！花膠浸發好了！點樣煮好呢？參考一下菲師奶嘅食譜啦！請按下連結..

[花膠螺頭燉湯] <---按此進入食譜

[冬蓉瑤柱花膠蟹肉羹] <---按此進入食譜

[炆冬菇鴨掌花膠] <---按此進入食譜

[瑤柱花膠藜麥粥]  <---按此進入食譜

[鮮奶紅棗燉花膠]  <---按此進入食譜

[花膠蟲草螺頭燉湯]  <---按此進入食譜

[紅棗桂圓燉花膠] <---按此進入食譜