菲師奶至愛做麵包，幾年前，老公見我喺屋企日搓夜搓，搓到手瓜起「月展」，於是送我人生第一部麵包機，人稱「P仔」嘅 Panasonic 麵包機！從此我嘅人生就變得不一樣......（哇哈）
麵包機嘅好處係，無需任何特別技巧，只要跟足食譜量度準確份量，一按即焗，麵包機就會全自動攪拌、揉麵、發酵及烘烤。輕輕鬆鬆，香噴噴新鮮出爐麵包在家也可以吃得到！
有睇開我Facebook page嘅朋友，都見到菲師奶過百款嘅造型麵包、Pizza、餃子、烏冬麺條......P仔的確勞苦功高！今次收到Panasonic送來的最新第四代麵包機SD-PT1001，全新升級版多達34個預設食譜（比起我家用緊嘅第一代P仔，多咗21個食譜！今次真係有排玩啊！）新增食譜包括有：北海道麵包、湯種法式軟包、雪芳法式軟包、雲石麵包、紅豆餡等等......
一改以往白色機身設計，深啡色更顯高貴又富型格，襯哂我個廚房！
配件齊全，有哂量柸、量匙。量杯更附設柸蓋，可以於製作天然酵母時，當作天然酵母培養容器使用，非常方便。
亦備有兩款不同葉片，適合不同食譜使用。
麵包用葉片 (圖上)
製作麵條、麻糬用葉片 (圖下)
新機採用變頻式摩打，模仿人手揉麵，做出來嘅麵包更細緻鬆軟，口感更豐富。配備有不銹鋼內蓋、遠紅外線氟素塗層內膽，導熱更均勻。
今次我會用佢來做個香蕉朱古力雲石吐司，預設功能食譜，加入朱古力碎，就能夠搓出完美嘅雲石圖案。
只要預備好材料，按食譜選擇鍵，選擇「14」雲石麵包，4小時後就大功告成！香蕉味濃郁，朱古力做出雲石花紋，估唔到用麵包機都可以輕鬆做出紋理分明，味道一流嘅雲石麵包。我仲將佢切成粒粒做吐司，我家兩位小朋友都大讚好好味呀！
[ 香蕉朱古力雲石吐司 ] 食譜
材料：
高筋麵粉 250 g
幼砂糖 25g
幼鹽 2g
淡忌廉 20ml
香蕉味牛奶 140ml
香蕉 1條
固體菜油 20g
即溶酵母 3g
朱古力磚 (磨碎) 5g
合桃碎 *optional 10g
做法：
香蕉去皮切細塊，用叉壓成蓉。
把朱古力磚刨碎。
取出麵包機容器 ，裝上麵包用葉片。
加入高筋麵粉、幼砂糖及幼鹽，倒入淡忌廉、香蕉味牛奶、香蕉蓉、及固體菜油。把麵包機容器放回。
加入高筋麵粉、幼砂糖及幼鹽，倒入淡忌廉、香蕉味牛奶、香蕉蓉、及固體菜油。把麵包機容器放回。
關閉上蓋，把即溶酵母加入酵母格內，蓋上蓋。
按食譜鍵選擇食譜「14」雲石麵包，按 "開始" 鍵，麵包機開始運作。
待提示聲響起，屏幕顯示「加工程序」。
便可加入朱古力碎於麵包機容器底部。（*如選擇加入合桃碎，可於此時加入）
關閉上蓋，再次按 "開始" 鍵，麵包機繼續運作。
關閉上蓋，再次按 "開始" 鍵，麵包機繼續運作。
直至完成烘烤，麵包機會再次發出提示聲響，按 "取消" 鍵，取出麵包容器，冷卻約 2分鐘後便可取出麵包。
將麵包切成厚片，然後切成粒粒，放入焗爐用180度烘7-10鐘，加上裝飾，香蕉朱古力雲石吐司就大功告成！
